ادارة منتديات حسين الصيمري
السلام عليكم ورحمة الله وبركاته
قصيدة ( ابو طالب ) هي من القصائد المميزة للشاعر الشهيد رحيم المالكي ، وهاهي القصيدة بين ايديكم فأنظروا الى جماليتها وعظمة كاتبها :
يا بو طالب سيدي عذرا شكول
وخاف ماوفيك ارجو المعذرة
سيدي التاريخ كتابه اظلموك
وظلمتك ناس جدبده امعاصرة
مات كافر كالوا وما انصفوك
وانت للاسلام عزة ومفخرة
ونتة ماعندك ذنب لا والرسول
لا وحك جفوف سبع الكنطرة
انت كل ذنبك لان والد علي
وحاولوا يلكون زلة بحيدرة
انت لو والد هند جا قدسوك
وجان ابو هريره ترسلك دفتره
وكون ابو سفيان نجلك سلسلوك
ابأول العشرة بحديث امبشرة
وحاشى لسمك يقترن بيه الفجور
وفرق مابين الثريا والثرى
اشجاب اصحاب الرذيلة والفسوق
الوالد العترة الشريفة الطاهرة
ونته اول من حمى بصدر الرسول
بالنفس والمال وبنه وازره
واللذين اوو ونصروا بالكتاب
خلي تفهمها العقول النيره
لبو طال هاي انزلها الجليل
وهذا مو شعر وكلام نسطره
مريم العذراء يكفلها نبي
لان حامل في نبي وتتظرة
ماقبل يكفلها مشرك مستحيل
لان ربك هل لامر يستنكره
اشلون يقبلها اعله خير لانبياء
مشرك الياويه وكافر ينصره
وهو لوما معتنق دين ابن اخوه
اشلون ثلث سنين كومه اتحاصره
لكن شنحجي خله الجو للطغاه
وكتبت التاريخ زمره وكافره
